Bakı Slavyan Universitetində “İnklüziv təhsildən inklüziv cəmiyyətə: bərabər imkanlar və dayanıqlı inkişaf” (İTİC 2025) III beynəlxalq elmi konfrans işə başlayıb. Konfransın açılış mərasimində Azərbaycanla yanaşı, müxtəlif ölkələrin tanınmış alim və mütəxəssisləri, elm xadimləri və ali təhsil ocaqlarının pedaqoji heyəti iştirak edib. Qeyd olunub ki, dinamik, inklüziv və sosial ədalətə əsaslanan cəmiyyət əsas strateji hədəf kimi dövlət başçısının sərəncamı ilə təsdiq olunan “Növbəti onillikdə ölkənin sosial-iqtisadi inkişafına dair beş Milli Prioritet”dən biri kimi müəyyən edilib.

Tədbirdə bu konsepsiyaya uyğun olaraq inklüziv cəmiyyətin qurulması, təhsildə bərabər imkanların yaradılması, inklüzivlik və ümumilikdə fərqli təcrübələrin yaratdığı böyük dəyərlər sisteminin təşviqi istiqamətində görülən işlərdən danışılıb.

DOST İnklüziv İnkişaf və Yaradıcılıq Mərkəzinin direktoru Elnarə Ənsari qurumun fəaliyyətindən, tələbələrin həssas qruplarla iş sahəsində təcrübə imkanlarını genişləndirmək üçün həyata keçirilən layihələrdən bəhs edib. Mərkəzin təlimçisi Aysel Əmirovanın sərgisinin təşkil olunmasında BSU rəhbərliyinə öz təşəkkürünü bildirib.

Çıxışlardan və bədii hissədən sonra konfransın işi bölmələr üzrə davam etdirilib.