Bakı Dövlət Sirkinin milli truppası Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzinin səhnəsində xüsusi proqramla çıxış edib. Yeni il ərəfəsində heyət maraqlı sirk nömrələri və rəqslərlə həssas əhali qruplarından olan uşaqların görüşünə gəlib.

Qonaqlar tamaşaçıları Çarli Çaplin, şən kloun və jonqlyorların çıxışları, illüzionist və alov şou nömrələri ilə sevindirib. Şounu sosial cəhətdən həssas əhali qruplarından  olan 50-dən artıq uşaq və yeniyetmə izləyib.

Qeyd edək ki, DOST İnklüziv İnkişaf və Yaradıcılıq Mərkəzində benefisiarların dünyagörüşünün artırılması, sosial-psixoloji dəstək məqsədi ilə bu qəbildən müntəzəm tədbirlər həyata keçirilir. Bu görüş Bakı Dövlət Sirkinin yaradıcı heyətinin inklüziv məkanda ikinci çıxışıdır.