Mərkəzin İsmayıllıdakı "DOST Evi" filialında Ümumdünya Kitab və Müəlliflik Hüququ Günü ilə əlaqədar tanınmış yazıçı, şair və publisist Aqşin Yeniseylə görüş keçirilib. Yazıçı benefisiar və təlimçilərlə yaradıcılığına dair maraqlı məqamları bölüşüb, kitabın və mütaliənin yaradıcı işə təsirindən söhbət açıb. Benefisiarlar müəllifin poeziyasından nümunələr təqdim ediblər. Görüş çərçivəsində yazıçı filialın fəaliyyəti və emalatxanalarda təlim prosesi ilə tanış olub.

Tədbirin təşkilində məqsəd həssas qruplardan olan şəxslərin ədəbiyyatla tanışlığına şərait yaratmaq, onlarda oxu vərdişlərinin inkişaf etdirilməsidir.