Ağdam Musiqi Kollecinin kollektivi DOST İnklüziv İnkişaf və Yaradıcılıq Mərkəzinin Qarabağ “DOST Evi” şöbəsində konsert proqramı ilə çıxış edib. Kollecin direktoru əməkdar artist Firuz Səxavət, müəllim və tələbələr Qarabağ İnstrumental Ansamblının müşayiətilə muğam və xalq mahnıları səsləndirib, şöbənin benefisiarları ilə eyni səhnəni bölüşüblər.

Konsert layihəsi çərçivəsində qonaqlar Qarabağ “DOST Evi” şöbəsinin fəaliyyəti ilə tanış olub, yaradıcılıq prosesini izləyiblər.

Şöbədə təlimlərə cəlb olunmuş həssas qruplara aid şəxslərin hazırladıqları əl işləri də maraqla qarşılanıb.

Tədbirdə dövlət qurumları, sosial xidmət müəssisəsi, ictimai birliklərin nümayəndələri, şəhid ailələrinin üzvləri iştirak ediblər.