DOST İnklüziv İnkişaf və Yaradıcılıq Mərkəzi tərəfindən Ümumdünya Şəhərsalma Forumunun 13-cü sessiyasına (WUF13) hazırlıq ərəfəsində Azərbaycan Şəhərsalma Kampaniyasının “İmkanlar hər kəs üçün” sosial layihəsi çərçivəsində ADA Universitetində tədbir təşkil olunub.

Tədbiri giriş sözü ilə açan Mərkəzin direktor müavini Mətanət Məmmədova müəssisənin fəaliyyət istiqamətləri barədə məlumat verib. Qeyd edilib ki, bu il fəaliyyətinin 5 ili tamam olan Mərkəz Birinci vitse-prezident Mehriban Əliyevanın təşəbbüsü ilə yaradılıb. Bu müddətdə Mərkəz və filiallarında 1000 nəfərədək həssas kateqoriyalardan olan şəxslərin yaradıcılıq potensialının üzə çıxarılması və onların cəmiyyətə inteqrasiyasına dəstək göstərdiyi bildirilib.

ADA Universitetinin Dizayn və Memarlıq fakültəsinin dekan müavini, dosent Nora Lombardini çıxışında İtaliyanın Milan Politexnik Universiteti ilə birgə bu əməkdaşlığın təkcə Azərbaycanda deyil, dünya memarlığı və şəhərsalma standartlarının inkişafına töhfə verdiyini diqqətə çatdırıb. Qeyd olunub ki, tədrisin mərkəzində cəmiyyətin bütün üzvlərinin həyat şəraitini yüngülləşdirən, hər kəs üçün imkanların əlçatanlığını təmin edən inklüziv, funksional və kommunikativ şəhər mühitinin formalaşdırılması dayanır.

Tədbirdə çıxış edən digər natiqlər ADA Universitetinin infrastruktur imkanları, karyera perspektivləri, qəbul qaydaları və sosial təşəbbüslərdən bəhs ediblər.  20 illik fəaliyyəti dövründə beynəlmiləl mühit və bərabər imkanlar platforması formalaşdıran universitetin tədris resurslarını əks etdirən geniş təqdimat keçirilib.

Tədbirin sonunda layihəyə cəlb edilən benefisiarlar universitetin təlim-tədris şəraiti, o cümlədən material kitabxanası, müasir laboratoriya və dizayn studiyaları, ADA Kitabxanası ilə tanış olublar.

Tədbirin sonunda layihəyə cəlb edilən benefisiarlar universitetin təlim-tədris şəraiti, o cümlədən material kitabxanası, müasir laboratoriya və dizayn studiyaları, ADA Kitabxanası ilə tanış olublar.