Qasımov Asif Rzaxan oğlu 1979-cu ildə Gürcüstan respublikasında anadan olub. 2014-cü ildən 1 saylı Sağlamlıq İmkanları Məhdud Gənclərin Peşə Mərkəzinə Rəssamlıq və Oymaçılıq kurslarına daxil olub. Könüllü olaraq sağlamlıq imkanları məhdud bir çox şəxslərin əməyə cəlb olunması və motivasiyasında iştirak edib. O, ölkəmizdə keçirilən müxtəlif festivalların və sərgilərin, o cümlədən əlilliyi olan şəxslərin XI Ümumrespublika yaradıcılıq-sərgi müsabiqəsi, 2017-2019-cu ildə Mədəniyyət Nazirliyinin təşkil etdiyi “Bölgələrdən Bölgələrə” yaradıcılıq festivallarının dəfələrlə qalibi və ya iştirakçısı olub. Əsərləri ağac üzərində yandırma üsulu ilə hazırlanan əl işləri müsabiqələrində dəfələrlə sərgilənib. 2020-2021-ci illərdə bir neçə dəfə “YAŞAT” Fondunun “Əlillik Son Deyil” adlı layihəsinin qonağı olub.
Milli Paralimpiya Mərkəzinin avarçəkmə idman növü üzrə üzvü, bir sıra idman turnirlərinin mükafatçısıdır. Bununla yanaşı “İdman Saatı” radio verilişinin aparıcısı olub.
Asif Qasımov hazırda DOST İnklüziv İnkişaf və Yaradıcılıq Mərkəzində bədii oyma istiqaməti üzrə təlimçi kimi çalışır.

Qasımov Asif Rzaxan oğlu 1979-cu ildə Gürcüstan respublikasında anadan olub. 2014-cü ildən 1 saylı Sağlamlıq İmkanları Məhdud Gənclərin Peşə Mərkəzinə Rəssamlıq və Oymaçılıq kurslarına daxil olub. Könüllü olaraq sağlamlıq imkanları məhdud bir çox şəxslərin əməyə cəlb olunması və motivasiyasında iştirak edib. O, ölkəmizdə keçirilən müxtəlif festivalların və sərgilərin, o cümlədən əlilliyi olan şəxslərin XI Ümumrespublika yaradıcılıq-sərgi müsabiqəsi, 2017-2019-cu ildə Mədəniyyət Nazirliyinin təşkil etdiyi “Bölgələrdən Bölgələrə” yaradıcılıq festivallarının dəfələrlə qalibi və ya iştirakçısı olub. Əsərləri ağac üzərində yandırma üsulu ilə hazırlanan əl işləri müsabiqələrində dəfələrlə sərgilənib. 2020-2021-ci illərdə bir neçə dəfə “YAŞAT” Fondunun “Əlillik Son Deyil” adlı layihəsinin qonağı olub.
Milli Paralimpiya Mərkəzinin avarçəkmə idman növü üzrə üzvü, bir sıra idman turnirlərinin mükafatçısıdır. Bununla yanaşı “İdman Saatı” radio verilişinin aparıcısı olub.
Asif Qasımov hazırda DOST İnklüziv İnkişaf və Yaradıcılıq Mərkəzində bədii oyma istiqaməti üzrə təlimçi kimi çalışır.

Atayeva Asya Fikrət qızı 1998-ci ildə Bakıda anadan olub.
2013-cü ildə Azərbaycan Milli Konservatoriyası nəzdindəki Musiqi Kollecinin (Asəf Zeynallı adına Musiqi Məktəbi) xalq çalğı alətləri şöbəsinin tar sinfinə qəbul edilib. 2017-ci ildə həmin təhsil müəssisəsindən məzun olduqdan sonra eyni ixtisas üzrə Azərbaycan Dövlət Mədəniyyət və İncəsənət Universitetinə daxil olub, 2021-ci ildə orada təhsilini tamamlayıb.
2011-ci ildən kapoeyra idman növü ilə məşğul olmağa başlayıb. 2013-cü ildə Dünya Kapoeyra Federasiyasının (WCF) təşkil etdiyi dünya çempionatında 3-cü yerin sahibi olub. Yerli və beynəlxalq turnirlərdə dəfələrlə fəxri kürsüyə yüksəlib, 2 qat respublika və Bakı çempionudur. 2016-cı ildə “İlin ən yaxşı qadın idmançısı”, 2019-cu ildə “İlin ən yaxşı xanım məşqçisi” seçilib.
Azərbaycan Kapoeyra Federasiyasının yığma komandası və məşqçilər kollegiyasının üzvüdür.
Asya Atayeva hazırda DOST İnklüziv İnkişaf və Yaradıcılıq Mərkəzində idman (kapoeyra) istiqaməti üzrə təlimçi olaraq çalışır.

İsmayıllı Ayxan Nizami oğlu 1990-cı ildə Naxçıvan Muxtar Respublikası Ordubad rayonunda anadan olub.
2005-ci ildə Azərbaycan Milli Konservatoriyası nəzdindəki Musiqi Kollecinin (Asəf Zeynallı adına Musiqi Məktəbi) xalq çalğı alətləri şöbəsini bitirib.
2009-2016-cı illərdə Nizami rayonundakı 33 saylı Uşaq Musiqi Məktəbində nağara ifaçılığını tədris edib. 2015-2017-ci illərdə Gülarə Əliyeva adına “Dan ulduzu” instrumental ansamblı və Tofiq Əhmədov adına estrada-simfonik orkestrində nağara ifaçısı olub. Azərbaycan Dövlət Mədəniyyət və İncəsənət Universitetinin “Xalq çalğı alətləri ifaçılığı” kafedrasında işləyir.
Ayxan İsmayıllı DOST İnklüziv İnkişaf və Yaradıcılıq Mərkəzində musiqi (zərb alətləri) istiqaməti üzrə təlimçi olaraq çalışır.

Əmirova Aysel Əlimirzə qızı 1987-ci ildə Rusiya Federasiyasının Moskva şəhərində anadan olub.
2003-2007-ci illərdə Ə.Əzimzadə adına İncəsənət Kollecində Rəngkarlıq ixtisası üzrə bakalavr, 2011-2013-cü illərdə Azərbaycan Dövlət Rəssamlıq Akademiyasında Rəngkarlıq ixtisası üzrə magistr təhsilini fərqlənmə diplomu ilə bitirib. 2014-cü ildən Azərbaycan Dövlət Rəssamlıq Akademiyasının dissertantıdır. 2010-2021-ci illərdə Azərbaycan Birgə Yardım (UAFA) təşkilatında xüsusi qayğıya ehtiyacı olan uşaqlarla rəssam-müəllim kimi işləyib. 2012-2015 ci illərdə “Konfirm MMC” də Rəssamlıq Məktəbinin müdiri vəzifəsində çalışıb. 2017-ci ildən indiyədək Azərbaycan Dövlət Rəssamlıq Akademiyasında “Rəngkarlıq” kafedrasının ştat müəllimidir. 2006-2021-ci illərdə respublika və beynəlxalq sərgi və müsabiqələrin, konfrasların fəal iştirakçısı olub.
Aysel Əmirova hazırda DOST İnklüziv İnkişaf və Yaradıcılıq Mərkəzində təsviri incəsənət (rəssamlıq) istiqaməti üzrə təlimçi kimi çalışır.

Əliyeva Ayturan Fikrət qızı 1991-ci ildə Neftçalada anadan olub.
2011-ci ildə Azərbaycan Dövlət Rəssamlıq Akademiyasının bakalavr, 2014-cü ildə magistr pilləsini fərqlənmə diplomları ilə bitirib. 2010-2012-ci illərdə “Azər - İlmə” MMC-də işləyib. 2012-ci ildə “Konfirm” MMC-də təlimçi vəzifəsində çalışıb. Ayturan Əliyeva bir çox layihələrdə (“Yurdumuza Yaz Gəlir”, “8 Mart”, “Gənclər günü”, “20 Yanvar”, “Xocalı”, “Zəfər günü”) fəal iştirakı ilə seçilib. 2020-ci ildə “Montesorri” Akademiyasında təsviri sənət üzrə təlimçi vəzifəsinə təyin edilib. Azərbaycan Respublikası Dövlət Neft Şirkətinin (SOCAR) təşkilatçılığı ilə keçirilən sərgidə “Mənim Neftim” adlı əsəri nümayiş olunub.
2012-ci ildən Rəssamlar İttifaqının üzvüdür.
Ayturan Əliyeva DOST İnklüziv İnkişaf və Yaradıcılıq Mərkəzində xalçaçılıq, toxuma və tikmə (eskizlərin hazırlanması) istiqaməti üzrə təlimçi kimi çalışır.

Namazova Cahan İlham qızı 1991-ci ildə Bakı şəhərində anadan olub.
2015-ci ildə Azərbaycan Dövlət Rəssamlıq Akademiyasının Dekorativ tətbiqi sənət fakültəsini bitirib. Həmin ildə Azərbaycan Rəssamlar İttifaqının üzvü seçilib. 2014-cü ildən çoxsaylı sərgilərin aktiv iştirakçısıdır. “Psixososial Reabilitasiya və İnkişaf” İB-nin və Azərbaycan Dövlət Rəssamlıq Akademiyasının birgə təşkil etdiyi “Mən və mənim fərqli dünyam”, Azərbaycan Rəssamlar İttifaqının təşəbbüsü ilə keçirilən “Gənclər günü”nə həsr olunmuş sərgilərdə fəal iştirakına görə mükafatlara layiq görülüb.
Cahan Namazova hazırda DOST İnklüziv İnkişaf və Yaradıcılıq Mərkəzində dulusçuluq istiqaməti üzrə təlimçi kimi çalışır.

Zeynalov Çingiz Elxan oğlu 2000-ci ildə Bakıda anadan olub.
2015-ci ildən Azərbaycan Kapoeyra Federasiyasında idmançı kimi məşqlərə başlayıb. 2016-cı ildə kapoeyra üzrə respublika çempionu olduqdan sonra yığma komandanın üzvü seçilib. 2022-ci ildə kapoeyra məşqçilik-təlimatçılıq kursunu müvəffəqiyyətlə bitirərək, məşqçi kateqoriyasına yüksəlib.
Kapoeyra üzrə 2 qat Respublika çempionu, 2 qat Bakı Birincisidir.
Çingiz Zeynalov hazırda DOST İnklüziv İnkişaf və Yaradıcılıq Mərkəzində idman (kapoeyra) istiqaməti üzrə təlimçi olaraq çalışır.

Məmmədov Dəyanət Əşrəf oğlu 1972-ci ildə Beyləqan rayonunda anadan olub. Üzeyir Hacıbəyli adına Bakı Musiqi Akademiyasının musiqili teatr xoru artisti məzunudur.
Rusiyanın bir sıra şəhərlərində, o cümlədən Xantı-Mansi, Surqutda mədəniyyət evləri və mərkəzlərində fəaliyyət göstərib, konsert layihələrində çıxış edib. “Axşam düşəndə” adlı musiqi albomu musiqisevərlərə təqdim olunub, bir sıra mahnılar bəstələyib. Əmək və Əhalinin Sosial Müdafiəsi Nazirliyi, DOST İnklüziv İnkişaf və Yaradıcılıq Mərkəzi, “MTV Azərbaycan”ın birgə təqdim etdiyi “Bərabərik” televiziya layihəsinin 3-cü mövsümündə yer alıb.
Əmək və Əhalinin Sosial Müdafiəsi Nazirliyinin təşkil etdiyi Əlilliyi olan şəxslərin Ümumrespublika bədii yaradıcılıq baxış-müsabiqəsində I yerə layiq görülüb, diplom və mükafatla təltif olunub.
Dəyanət Məmmədov hazırda DOST İnklüziv İnkişaf və Yaradıcılıq Mərkəzində musiqi (vokal) istiqaməti üzrə təlimçi kimi çalışır.

Nağdəliyev Eynur Razim oğlu 1980-ci ildə Bakıda anadan olub.
1997-2001-ci illərdə Azərbaycan Dövlət Mədəniyyət və İncəsənət Universitetinin Kulturologiya fakültəsində Mədəniyyət meneceri ixtisasında təhsil alıb. 2021-ci ildə “Turizm sahəsində iaşə üzrə mütəxəssis proqramı” üzrə Bakı Turizm Peşə Məktəbinin diplomuna yiyələnib. 2001-ci ildən 2012-ci ilədək Azərbaycan Dövlət Musiqili Komediya Teatrında (indiki Azərbaycan Dövlət Akademik Musiqili Teatrı) müxtəlif peşələrdə çalışıb. Ayrı-ayrı qənnadı müəssisələrində qənnadçı, tort ustası, texnoloq işləyib.
Dünya Kulinariya Təşkilatları Birliyinin üzvü olan Qana Aşpazlar Assosiasiyasının İdarə Heyətinin və Cənubi Qafqaz Şef Aşpazlar Gildiyasının üzvüdür.
Eynur Nağdəliyev hazırda DOST İnklüziv İnkişaf və Yaradıcılıq Mərkəzində kulinariya istiqaməti üzrə təlimçi kimi çalışır.

Mehdiyev Fərid Telman oğlu 1986-cı ildə Bakıda anadan olub.
Rəqs fəaliyyətinə 2001-ci ildə “Aypara Dance” bal rəqsləri studiyasında başlayıb. İki dəfə rəqs sənəti üzrə ölkə çempionu olub. 2011 və 2012-ci illərdə Gürcustanın Kutaisi şəhərində Latın Amerika rəqsləri üzrə təşkil olunan beynəlxalq turnirin finalçısı seçilib. Əlil arabası üzərində rəqslər üzrə Belarusiyada keçirilən rəqs yarışmasında Vüsalə Kərimova ilə birlikdə qızıl medala layiq görülüb.
Fərid Mehdiyev hazırda DOST İnklüziv İnkişaf və Yaradıcılıq Mərkəzində rəqs istiqaməti (bal və Latın Amerika rəqsləri) üzrə təlimçi kimi çalışır.

Sadıqov Fərqan Arif oğlu 1985-ci ildə Bakıda anadan olub.
1992-2004-cü illərdə sağlamlıq imkanları məhdud uşaqlar üçün internat tipli məktəbdə təhsil alıb. 2010-2014-cü illərdə Azərbaycan Dövlət Mədəniyyət və İncəsənət Universitetinin “Solo ifaçılıq”(xanəndəlik) fakültəsində təhsilini davam etdirib. Bir neçə alətdə, o cümlədən gitara və pianoda ifa etməyi bacarır. 2018-ci ildə Rəşid Behbudov adına Azərbaycan Dövlət Mahnı Teatrında solo konsert layihəsi ilə çıxış edib.
Fərqan Sadıqov hazırda DOST İnklüziv İnkişaf və Yaradıcılıq Mərkəzində musiqi (gitara) istiqaməti üzrə təlimçi kimi çalışır.

Həmidov İslam Əziz oğlu 1970-ci ildə Bakı şəhərində anadan olub.
1986-1990-cı illərdə 84 nömrəli texniki peşə məktəbində “Ağac oyma” ixtisası üzrə təhsil alıb. Sonra təhsilini Azərbaycan İnşaat Mühəndisləri Universitetində davam etdirərək, 1996-cı ildə həmin ali təhsil müəssisəsini bitirib. Hələ tələbəlik illərindən Bakıda və Moskvada keçirilən ümumittifaq rəssamlıq sərgi-müsabiqələrinin fəal iştirakçısı olub, laureat və qalib seçilib. 1989-cu ildə Azərbaycan Xalçası və Xalq Tətbiqi Sənəti Dövlət Muzeyində təşkil olunan “Gözəllik aləmini qoruyun” sərgisində birinci dərəcəli diplomla təltif edilib. 1999-2000-ci illərdə Xalq sənətkarlıq əl işlərinə II və III Respublika baxış-müsabiqələrinin mükafatlarına layiq görülüb.
Onun işlədiyi nəbati naxışlı boşqab və “İçərişəhər” kompozisiyalı daha bir əl işi 1995-ci ildə Mərakeş krallığına hədiyyə edilib.
Əl işləri müxtəlif ölkələrdə şəxsi kolleksiya və muzeylərdə saxlanılır.
İslam Həmidov DOST İnklüziv İnkişaf və Yaradıcılıq Mərkəzində bədii oyma istiqaməti üzrə təlimçi kimi çalışır.

Əkbərzadə İlkin Hənifə oğlu 1979-cu ildə Bakıda anadan olub.
1994-1997-ci illərdə Bakı Kooperasiya Kollecində Əmtəəşünaslıq ixtisası üzrə təhsil alıb. 1998-ci ildən aşpaz köməkçisi kimi çalışıb. Ölkəmizdə və dünyanın müxtəlif qitələrində keçirilən beynəlxalq tədbirlərdə baş aşpaz kimi qonaqlara mətbəximizin zənginliklərini göstərib. Bunlar arasında “Bakı-2017” IV İslam Həmrəyliyi Oyunları, Bakı-2019 XV Avropa Gənclər Yay Olimpiya Festivalını (European Youth Olimpic Festival), Cənubi Koreyada keçirilən "PyeongChang 2018" Qış Olimpiya Oyunlarını qeyd etmək olar.
Koreya, Finlandiya, BƏƏ, Türkiyə və İranda təcrübə keçib. Birləşmiş Ərəb Əmirlikləri, Suriya, Qana Afrika, Rusiya Kulinariya və Aşpazlar Gildiyalarının üzvü kimi həmin ölkənin kulinarları ilə əməkdaşlıq edir. "Chefs Team Russia" cəmiyyətinin fəxri üzvü, Hindistan və Banqladeş Kulinariya Assosiasiyalarının usta şefidir.
Müxtəlif televiziya layihələrində aparıcı və qonaq qismində iştirak edir. Azərbaycanda Yapon restoranı layihəsinin müəllifidir.
2019-cu ildə Birləşmiş Ərəb Əmirliklərinin paytaxtında keçirilən “World of Food” kulinariya festivalında dünyanın 56 ölkəsindən usta aşpazların hazırladığı 2586 növ şirniyyatdan ibarət nəhəng masa Ginnesin Rekordlar Kitabına daxil edilib. Həmin süfrədə İlkin Əkbərzadənin hazırladığı 55 adda Azərbaycan şirniyyatı da təqdim olunurdu.
Azərbaycan Kulinarlar Gildiyasının sədridir.
İlkin Əkbərzadə hazırda DOST İnklüziv İnkişaf və Yaradıcılıq Mərkəzində kulinariya istiqaməti üzrə təlimçi kimi çalışır.

Aslanova Kəmalə Cəfər qızı 1995-ci ildə Bakıda anadan olub.
Azərbaycan Dövlət Rəssamlıq Akademiyasının Dekorativ-tətbiqi sənət fakültəsinin məzunudur.
2017-ci ildən Azərbaycan Rəssamlar İttifaqı və Gənc Rəssamlar Birliyinin üzvüdür. Beynəlxalq sərgi və konfransların fəal iştirakçısıdır. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan “ABAD” mərkəzləri ilə əməkdaşlıq edir. Bakı Milli Geyim evinin “Araxçın” kolleksiyasının dizayneri olub. Azərbaycan Gəncləri Gününün 25 illiyinə həsr olunmuş Gənclər Forumunda iştirak edib.
Kəmalə Aslanova hazırda DOST İnklüziv İnkişaf və Yaradıcılıq Mərkəzində təsviri-incəsənət (vitraj) istiqaməti üzrə təlimçi olaraq fəaliyyət göstərir.

Musayeva Kəmalə Bədir qızı 2017-2020-ci illərdə Azərbaycan Dövlət Rəssamlıq Akademiyasının rəssamlıq fakültəsində təhsil alıb və həmin ali təhsil ocağını fərqlənmə diplomu ilə bitirib. O, respublika və beynəlxalq səviyyəli 74-dən çox sərgidə iştirak edib, sərgi-müsabiqələrin qalibi olub, mükafatlara layiq görülüb. 2014-cü ildə Xocalı soyqırımına həsr olunmuş “Yaddaşlarda qalan Xocalı” adlı respublika sərgisində “Mənim xalqımın ağrısı” adlı rəsm əsərinin müəllifi kimi mükafatla təltif edilib. Həmin rəsm əsərinə görə 2015-ci ildə Parisdə təşkil olunan sərgidə müəllifə mükafat verilib. Eyni ildə Respublika Rəssamlar İttifaqının sərgi mərkəzində rəssamın fərdi sərgisi təşkil olunub. Sərginin ekspozisiyasında müəllifin 50-dən çox əsəri yer alıb. 2016-cı ildə Bakıda keçirilən Şahmat Olimpiadası ərəfəsində “Şahmat oyunu” əsərinə görə Fəxri Fərmana layiq görülüb. 2021-ci ilin oktyabrında “Nizami ili” çərçivəsində Bakı Kitab Mərkəzində təşkil olunan tədbirdə əsərlərinə görə mukafatlandırılıb.
2014-cü ildən Azərbaycan Rəssamlar ittifaqının üzvüdür.
Kəmalə Musa hazırda DOST İnklüziv İnkişaf və Yaradıcılıq Mərkəzində təsviri incəsənət (rəssamlıq) istiqaməti üzrə təlimçi işləyir.

Əzimov Orxan Etibar oğlu 1986-cı ildə Bakı şəhərində anadan olub.
Mədəniyyət və İncəsənət Universitetinin məzunudur. 8 ildir peşəkar fotoqrafiya ilə məşğuldur. 2014-cü ildə “Köç” adlı fərdi sərgisi keçirilib.
2015-ci ildə Binəqədidə baş verən yanğın zamanı çəkdiyi foto (polisin uşağı yanğından xilas etdiyi an) 150-dən çox xarici kütləvi informasiya vasitələrində yayımlanıb. Onun 2016-cı ildə Çernobıl qəzasının 30 illiyi ilə əlaqədar faciənin nəticələrini əks etdirən fotoşəkilləri “İlin sərgisi” seçilərək, müəllifə mükafat qazandırıb. 2019-cu ildə müəllifi olduğu həmin fotolardan ibarət daha bir sərgi təşkil edilib.
2016 cı ildə BMT-nin Sivilizasiyalar Alyansının 7-ci Qlobal Forumu çərçivəsində keçirilən “Mədəniyyətlərarası dialoq gənclərin gözü ilə” adlı beynəlxalq foto müsabiqədə 3-cü yerə layiq görülüb.
Orxan Əzimovun lentə aldığı fotolar müəllifə bir çox ölkələrin mükafatlarını və qızıl medallar qazandırıb. 2019-cu ildə Suriyanın Hələb şəhərinə səfər edərək müharibədən sonrakı həyatı və İmadəddin Nəsiminin məzarının fotolarını çəkib. Səfər təəssüratlarını həmin ildə təşkil olunan “İtirilmiş şəhər və Nəsiminin məzarı” adlı fotosərgisində ifadə edib.
Azərbaycan Fotoqraflar Birliyinin kecirdiyi “İlin Fotoqrafı – 2019” layihəsi çərçivəsində “Müharibə fotoqrafı” mükafatı üzrə qalib olub. Fotoqraf 2019-2020 ci illər ərzində beynəlxalq musabiqələrdə 3 qızıl, 3 gümüş, 2 diplom və 2 xüsusi lent mükafatları əldə edib.
Orxan Əzim hazırda DOST İnklüziv İnkişaf və Yaradıcılıq Mərkəzində fotoqrafiya istiqaməti üzrə təlimçi kimi çalışır.

Bağırova Ruhəngiz Nəcəfqulu qızı 1989-cu ildə Bakıda anadan olub.
2016-cı ildə Azərbaycan Dövlət Rəssamlıq Akademiyasına daxil olub. 2020-ci ildə Dekorativ Sənət fakültəsinin bədii xalça ixtisası üzrə bakalavr təhsilini fərqlənmə diplomu ilə bitirib.
2018-ci ildə Azərbaycan Xəzər Dəniz Gəmiçiliyinin 160 illik yubileyinə həsr olunmuş təsviri incəsənət müsabiqəsində “Qrafika” nominasiyası üzrə III yerə layiq görülüb. 2019-cu ildə İmadəddin Nəsiminin 650 illik yubileyi münasibətilə Nəsimi-şeir, incəsənət və mənəviyyat festivalı çərçivəsində Azərbaycan Milli Xalça Muzeyində keçirilən “Beynəlxalq Xalça Eskizləri Müsabiqəsi”ndə isə II yeri qazanıb.
Ruhəngiz Bağırova hazırda DOST İnklüziv İnkişaf və Yaradıcılıq Mərkəzində dulusçuluq (kompozisiyanın əsasları) istiqaməti üzrə təlimçi kimi çalışır.

Əhmədova Safura MirKazım qızı 1983-cü ildə Bakıda anadan olub.
1996-2001-ci illərdə Bakı Xoreoqrafiya Məktəbində təhsil alıb. 2001-ci ildə Azərbaycan Dövlət Mədəniyyət və İncəsənət Universitetinin Xoreoqraf-baletmeyster fakültəsinə daxil olub. 1999-2018-ci illərdə “Cəngi” estrada-folklor rəqs ansamblında çıxış edib. 2005-2011-ci illərdə Qafqaz Universitetində rəqs üzrə baş müəllimə işləyib.
2018-ci ildən indiyədək Azərbaycan Dövlət Akademik Rəqs Ansamblında rəqqasə kimi fəaliyyət göstərir.
Safura Əhmədova DOST İnklüziv İnkişaf və Yaradıcılıq Mərkəzində rəqs (Azərbaycan xalq rəqsləri) istiqaməti üzrə təlimçidir.

Səfərova Solmaz Vaqif qızı 1984-cü ildə Dəvəçi rayonunda anadan olub.
2013-cü ildən paralimpiyaçı kimi respublika və beynəlxalq səviyyəli müxtəlif yarışlarda Azərbaycanı təmsil edərək, medallar qazanıb. Yüngül atletikanın “Lövhə və Nüvə atma” idman növləri ilə məşğuldur. 2014-2015-ci illərdə Dubayda atletika idman növü üzrə keçirilən VI,VII Fazza beynəlxalq turnirlərində qadınlar arasında nüvə atma idman növü üzrə bürünc medala sahib olub. 2017-ci ildə xalçaçılıq kursunu bitirib.
2015-ci ildə əlilliyi olan şəxslər üçün bərabər məşğulluq imkanlarının və işəgötürən təşkilatlarda onlar üçün inklüziv iş mühitinin yaradılmasının təşviqinə dair “Hamı üçün layiqli iş” layihəsi, Gənclərin I Beynəlxalq Mədəni İrs Turizm Forumu və “Biz Həmişə Sizinləyik” tədbirinin fəal iştirakçısı olub. 2016-cı ildə Əlillər günü ilə əlaqədar keçirilən əl işlərindən ibarət müsabiqədə I yerə layiq görülüb.
2021-ci il tarixində “ATMA-YARAT-SAT” sərgi yarmarkasında iştirak edib. Həmin ildə Əlilliyi olan şəxslərin XI Ümümrespublika yaradıcılıq-sərgi müsabiqəsində III yeri qazanıb.
Solmaz Səfərova hazırda DOST İnklüziv İnkişaf və Yaradıcılıq Mərkəzində xalçaçılıq, toxuma və tikmə istiqaməti üzrə təlimçi kimi çalışır.

Ağayeva Ülkər Tahir qızı 1986-cı ildə Bakıda anadan olub.
2004-2008-ci illərdə Azərbaycan Dövlət Mədəniyyət və İncəsənət Universitetinin Kulturologiya fakültəsini Bədii yaradıcılıq ixtisası üzrə bitirib. “Floristlər” İncəsənətin İnkişafına Dəstək İctimai Birliyində “Florist-dizayner kurslarının təşkili” layihəsinə qatılıb.
Bir sıra tədris mərkəzlərində təbii botanik materiallardan istifadə edərək müxtəlif kompozisiyaların tərtibatı və dizayn işlərinin görülməsi, buketlərin, ekibanaların yığılması ilə bağlı ustad dərsləri keçib.
Ülkər Mirzəyeva hazırda DOST İnklüziv İnkişaf və Yaradıcılıq Mərkəzində floristika, bağçılıq və landşaft dizaynı istiqaməti üzrə təlimçi kimi çalışır.

Aslanova Humay Tahir qızı 1987-ci il, oktyabrın 10-da Bakıda anadan olub.  Orta təhsilinə 1994-cü ildə Nəsimi rayonu, 42 saylı məktəbdə başlayıb. 1995-ci ildə Əfrasiyab Bədəlbəyli adına 23 nömrəli Musiqi məktəbinə fortepiano sinfinə daxil olub. 7 yaşından məktəbin xor solisti kimi tanınan ifaçı “Pöhrə”, “İstedadlar axtarırır”, “Bakı payızı”, digər müxtəlif respublika  və beynəlxalq müsabiqələrdə iştirak edərək, laureat adını qazanıb.  Xalq artisti Natəvan Şeyxovadan vokal dərsləri alıb. 2001-ci ildə Roma Papası II İohann Pavelin ölkəmizə səfəri zamanı Prezident sarayında fəxri qonağın şərəfinə təşkil olunan konsertdə çıxış edib. 

2002-2005-ci illərdə Bülbül adına orta ixtisas musiqi məktəbinin vokal şöbəsində təhsilini davam etdirib.  2005-ci ildə Bakı Musiqi Akademiyasında xalq artisti Fidan Qasımovanın tələbəsi olub. 2008-ci ildən Azərbaycan Dövlət Televiziyasının solistidir. Azərbaycan Televiziya və Radiosunun Tofiq Əhmədov adına estrada-simfonik orkestri ilə çoxsaylı dövlət tədbirlərində iştirak edib. 2010-cu ildən xalq artisti Rauf Babayevin rəhbərliyi ilə “Qaya” Dövlət ansamblının solistidir. 2014-cü ildən Qara Qarayev adına İncəsənət Musiqi məktəbində vokal üzrə pedaqoq işləyir. Şagirdləri respublika və beynəlxalq əhəmiyyətli müsabiqələrin qalibləri və laureatları adlarını qazanıb. 2016-cı ildə “Bakı Payızı” müsabiqəsində münsiflərindən biri olub. 2018-ci ildə Beynəlxalq “Harmoniya” müsabiqəsinin “Ən yaxşı vokal müəlliməsi”diplomu ilə təltif edilib.

2020-ci ildə “Var səsinlə” beynəlxalq müsabiqəsinin Azərbaycan uşaq vokal komandasının, 2021-ci ildə İctimai Televiziyada yayımlanan məşhur “The Voice” layihəsinin “Səs Azərbaycan” müsabiqəsində vokal təlimçisi seçilib. “Tovuz- Gənclər Paytaxtı 2022” çərçivəsində Gənclər və İdman Nazirliyinin təşkilatçılığı ilə  keçirilən gənclərin “Yaradıcılıq emalatxanası” layihəsində vokal qrupunun rəhbəri olub. Musiqi sahəsində səmərəli fəaliyyətinə görə dəfələrlə müxtəlif təşəkkürnamə və diplomlarla təltif olunub.

2021-ci ildən Azərbaycan Xoreoqrafiya Kollecinin vokal şöbəsində müəllim işləyir. 2023-cü ildə Avroviziya Mahnı Müsabiqəsinin milli seçim turlarında iştirak edib.

Humay Aslanova hazırda DOST İnklüziv İnkişaf və Yaradıcılıq Mərkəzində vokal istiqaməti üzrə təlimçi olaraq çalışır

Mikayılov Elnur Babakişi oğlu 26 yanvar 1984-cü ildə Şamaxı şəhərində anadan olub. Musiqi təhsilinə Şamaxı 1 saylı musiqi məktəbində başlayıb, sonra təhsilini Bakıda Bülbül adına Orta İxtisas Musiqi Məktəbində davam etdirib. 1999-cu ildə Asəf Zeynallı adına Bakı Musiqi Kollecinə daxil olub. Ali təhsilini 2003-2007-ci illərdə Azərbaycan Milli Konservatoriyasında tamamlayıb.

İfaları bir çox xarici ölkələrdə işıq üzü görüb, o cümlədən İtaliyada “Felmay Record” şirkətinin buraxdığı disklərdə yer alıb.

Respublika və beynəlxalq əhəmiyyətli bir sıra müsabiqə və festivalların, o cümlədən İtaliyada keçirilən “Musica Dei Popoli”, London şəhərində keçirilən “ WOMAD” musiqi festivalının iştirakçısıdır.

Müxtəlif beynəlxalq layihələrin, o cümlədən 2015-ci ildə Bakıda keçirilən Avropa Oyunlarının bağlanış mərasimində,  2022-ci ildə rəhbəri olduğu "Simurq" muğam qrupu ilə Şəki “İpək Yolu” XI Beynəlxalq Musiqi Festivalında çıxış edib.

2018-ci ildə V Respublika Muğam Müsabiqəsinin qalibi olub.

Dünya şöhrətli etnocaz ifaçısı Dhafer Youssef,  caz vokalisti Pyer de Treqomani ilə Fransada, Türkiyənin dünyaca məşhur zərb alətləri ifaçısı Misirli Əhməd ilə birgə konsertlərdə çıxış edib.

Klassik muğam və folklor musiqisindən əlavə simfonik və caz kimi digər janrlarda da yaradıcılıq fəaliyyəti göstərib. Bir sıra məşhur Muğam Musiqi Ansambllarının baş kamança ifaçısıdır.

Elnur Mikayılov hazırda DOST İnklüziv İnkişaf və Yaradıcılıq Mərkəzində kamança ifaçılığı istiqaməti üzrə təlimçi olaraq çalışır.

Şahməmmədova Naibə Maqsud qızı 1966-cı ildə Gəncə şəhərində anadan olub. 1981-85-ci illərdə Gəncə Orta İxtisas musiqi məktəbində fortepiano ixtisası üzrə təhsil alıb.  Ü.Hacıbəyov adına Azərbaycan Dövlət Konservatoriyasının fortepiano fakultəsi üzrə məzunudur. 1990-2009-cu illərdə Gəncə Musiqi Texnikumunda fortepiano müəllimi, eyni illərdə Gəncə Dövlət Filarmoniyasının Kamera Orkestri, Xalq Çalğı Alətləri Orkestrində müşayətçi, solist və fərdi ifaçı kimi çalışıb.

2009-cu ildən indiyədək Azərbaycan Milli Konservatoriyasının “Ümumi fortepiano” kafedrasında müşayətçi, fortepiano müəllimi, baş müəllim, hazırda isə dosent kimi fəaliyyət göstərir. Müxtəlif ölkələrdə, o cümlədən Azərbaycanda keçirilən elmi konfranslarda məqalələrlə çıxış edib. Dövlət tədbirlərində və ölkə hüdudlarından kənarda təşkil edilən konsert layihələrində solist və müşaiyətçi olub.

2020-ci ildə dövlət başçısının sərəncamı ilə “Əməkdar müəllim” fəxri adına layiq görülüb. Sənətşünaslıq üzrə fəlsəfə doktorudur.

Tələbələri beynəlxalq  müsabiqələrdə yüksək nəticələr göstərərək, laureat adları və ya Qran-pri mükafatları qazanıblar.

Naibə Şahməmmədova hazırda DOST İnklüziv İnkişaf və Yaradıcılıq Mərkəzində piano ifaçılığı istiqaməti üzrə təlimçi olaraq çalışır.

Şirinov Natiq Bahadur oğlu 10 noyabr 1975-ci ildə Bakı şəhərində anadan olub. 1984-cü ildə Tofiq İsmayılov adına musiqi məktəbində nağara ifaçılığı üzrə vərdişlərə yiyələnib. 1986-cı ildə daha çox bilik əldə etmək və çalğı məharətini təkmilləşdirmək üçün 6 nömrəli musiqi məktəbində təhsilini davam etdirib.

24 yaşında xalq artisti, muğam ustası, xanəndə Alim Qasımovdan dəvət alan musiqiçi peşəkar fəaliyyətə başlayıb. Bu qrup 1999–2007-ci illər ərzində müxtəlif ölkələrdə qastrol səfərlərində olub. 2001-ci ildə o, beş nəfərdən ibarət "Natiq Ritm Qrupu"-nu yaradır. Nağaradan əlavə qədim milli alətlərimizi- zurna, balaban və tütəyi qrupa daxil edir. Qrupun rəhbəri olmaqla yanaşı, pedaqoq və bəstəkar kimi də fəaliyyət  göstərir.

2002-ci ildə Natiq Şirinov Moskva şəhərində, Hindistan konsulluğunda yerləşən tabla məktəbində dərs alır və sonralar Azərbaycan ritmlərini dünya ritmləri ilə sintez edir.

Milli zərb alətləri ilə yanaşı, dünya ritmlərini də dərindən mənimsəyən sənətkar dünyanın aparıcı konsert salonlarında möhtəşəm konsert layihələri ilə çıxış edib. O, respublikamızda və dünyanın müxtəlif qitələrində keçirilən beynəlxalq əhəmiyyətli tədbirlərdə dəfələrlə Azərbaycan musiqisinin və ritmlərinin zənginliyini dünya musiqisevərlərinə tanıdıb. “Natiq Ritm Qrupu” ilə 54 dövlət arasında keçirilmiş "Geumsan World Percussion Performance Art Festival 2011" yarışmasında birincilik qazanaraq "World Grand Prize" mükafatına layiq görülüb.

Sənətkar bu gün də nağara alətinin ölçüləri və xanalarında özünəməxsus eksperimentlər edərək, dünya və Azərbaycan ritmlərinin uğurlu sintezini yaradır, yenilikləri ilə beynəlxalq arenada musiqisevərləri heyrətləndirir.

Azərbaycan Respublikası Prezidentinin 27 may 2018-ci il tarixli sərəncamı ilə “Xalq Artisti" fəxri adına layiq görülüb.

Natiq Şirinov hazırda DOST İnklüziv İnkişaf və Yaradıcılıq Mərkəzində zərb alətləri ifaçılığı istiqaməti üzrə təlimçi olaraq çalışır.

İmanov Şəhriyar Ayaz oğlu 21 aprel 1989-cu ildə Bakı şəhərində ziyalı ailəsində anadan olub. İlk musiqi təhsilini 1994-cü ildə 4 №li musiqi məktəbində alıb. 2002-ci ildə Bülbül adına orta ixtisas məktəbinə daxil olub. Azərbaycan Milli Konservatoriyasında bakalavr və magistr təhsili alıb.

2013-cü ildə Azərbaycanda keçirilən III Beynəlxalq muğam aləmi festivalının I yerinə layiq görülüb.

ABŞ-da "Sxsw music festival"ında, İsraildə "Oud festival"ında, Çində "Shanxai world music festival"ında, Fransada "Midem" festivalında, İsveçrə "Montreux jazz festival"ında, Almaniyada "Rudolshtat folk music" festivalında iştirak edib. Dünyanın müxtəlif ölkələrində, o cümlədən Yunanıstan, İtaliya, Çexiya, Avstriya, Ukrayna, Rusiya, İsveçrə, Kipr, Hindistanda müxtəlif konsert proqramları ilə çıxış edib.

Dəfələrlə respublika və beynəlxalq müsabiqələrin qalibi olan Şəhriyar İmanov Azərbaycan musiqisinin və tar ifaçılığı sənətinin zənginliyini musiqisevərlərə göstərir.

Şəhriyar İmanov hazırda DOST İnklüziv İnkişaf və Yaradıcılıq Mərkəzində tar ifaçılığı istiqaməti üzrə təlimçi olaraq çalışır.

Gərayzadə Vaqif Əzizağa oğlu 27 mart 1961-ci ildə Bakıda anadan olub. İlk musiqi təhsilini 1971–1976-cı illərdə Bakının Bakıxanov qəsəbəsindəki 4 saylı 5 illik musiqi məktəbinin fortepiano sinfində alıb. 1983–1987-ci illərdə Azərbaycan Dövlət İncəsənət İnstitutunun kütləvi tamaşalar rejissoru fakültəsini bitirərək, 1993–1997-ci illərdə təhsilini həmin ali məktəbin aspiranturasında davam etdirib. Azərbaycan Dövlət Konsert Birliyində, Filarmoniyada işləyib. Mədəniyyət və İncəsənət Universitetinin mədəniyyət tarixi və nəzəriyyəsi kafedrasının müəllimi, həmçinin estrada populyar musiqi kafedrasının təşəbbüskarı və ilk müdiri olub.

Müxtəlif janrlarda, o cümlədən caz, pop musiqisində əsərlərin müəllifidir.

Azərbaycan Respublikası Prezidentinin 15 sentyabr 2011-ci il tarixli sərəncamı ilə “Əməkdar İncəsənət Xadimi" fəxri adına layiq görülüb.

Vaqif Gərayzadə fəlsəfə elmləri üzrə fəlsəfə doktoru, dosentdir.

Müxtəlif janrlarda, o cümlədən caz, pop musiqisində mahnı və musiqilərin müəllifidir. Bir sıra beynəlxalq festival və müsabiqələrin laureatı, "Aypara", "W-trio", "Şeron", musiqi qruplarının yaradıcısı, "Şərq ulduzları" və "Şərq çırağı" vokal qruplarının rəhbəri olub.

1994 və 2000-ci ilin may ayında Heydər Əliyev Sarayında Vaqif Gərayzadənin yaradıcılıq gecəsi keçirilib.

Vaqif Gərayzadə hazırda DOST İnklüziv İnkişaf və Yaradıcılıq Mərkəzində Musiqi redaktoru kimi fəaliyyət göstərir.